Framhald á www.123.is/aronsmari

hér er loksins svarið við því...

 

Þetta er síðasta færslan mín á þessari síðu, ég er búinn að opna á nýjum og betri stað www.123.is/aronsmari allir að tékka þangað.

Svona er þetta búið að líta út hjá mér undanfarið. Alltaf verið að aflýsa flugum, ég ætti að vera langt kominn með 2 hreyfla réttindin en það er oftar búið að fresta flugi heldur en ég hef flogið. 4 flug og búið að fresta 5. Tvisvar hefur verið frestað útaf vélarnar hafa bilað eða dottið á skoðun og 3 skipti útaf veðri. Þetta er bara farið að hljóma eins og á íslandi "góðir farþegar, því miður er flugi til Akureyrar aflýst útaf veðri".. Nema hérna eru það hitabeltis stormar og þrumuveður sem klúðrar þessu hérna en ekki rok, ísing og lélegt skyggni eins og heima.

Í gær fengum við heldur betur að kenna á því, það kom eitt svakalegasta þrumuveður sem ég hef séð. Rosalegar eldingar og háfaði og síðan var rigningin mögnuð. Þetta ský sem olli þessu var reyndar mjög saklaust en síðan bara sprakk það með þvílíkum látum. Karen fyrrverandi kennarinn minn var að fljúga þar sem þetta var ekkert í veðurspánum og sást ekki á radar og hún varð að lenda á Flagler ásamt fleirri vélum því þetta kom svo óvænt. Síðan þegar veðrið var hálfnað var búið að gefa út viðvörun og þetta hélt bara áfram að vaxa næstu klukkutímana. Til að gera ykkur smá grein fyrir stærðinni á þessu skýi að þá eru svona bólstra ský alveg til á íslandi nema þau ná yfirleitt ekki uppfyrir 20.000 fetin, en þetta ský teygði sig alveg upp í 53.000 fet eða um 17km hæð eða langt fyrir ofan farflugs hæð á flestum farþegaþotum og náði yfir um 20 KM svæði. Það voru fleirri svona ský bara aðeins minni um allt Central Florida og olli meðal annars töfum á flugi á Orlando International. Síðan í dag kom þrumuveður 20 mín áður en ég átti að fara í loftið þannig það varð ekkert úr þessu flugi. Ég var að gera mér vonir um að geta klára fyrsta stig í þessu um helgina en kennarinn hefur ekki tíma fyrir mig fyrr en á fimmtudaginn þannig ég næ því ekki. ég á 2 flug eftir í fyrsta stigs prófið, síðan 2 flug eftir það og þá fer ég í 2 stigs prófið og beint í lokaprófið eftir það.. þannig þetta er allt að klárast. bara veltur á því hvað kennarinn getur eytt miklum tíma í mig.

 

Það er heldur betur kominn tími til að skíta aðeins á Paris Hilton. Þessi stelpa er ekkert smá rugluð, heldur að pabbi sinn geti bjargað sér eins og alltaf úr öllum drullupollum sem hún hefur grafið undir sjálfa sig. Pæliði í þessu, rétt áður en hún á að fara í fangelsið fyrir þetta brot á skilorði hætti hún að borða til að láta vorkenna sér. Dómurinn var lækkaður úr 49 dögum (sem er bara allt of vægur dómur) niður í 23. Venjulegur bandaríkjamaður hafi fengið mikið þyngri dóm. Eftir 3 daga í fangelsinu er henni slept vegna "læknisráði" og engin skýring gefin á því og fékk hún stofufangelsi í staðin. Fólk var að sjálfsögðu ekki ánægt með þetta og fylltust pósthólf og tölvupóstföng hjá Californiu stjórninni af kvörtunum útaf þessu. Og þá var hún send aftur í réttarsalinn og þaðan beint í grjótið aftur há skælandi og núna þarf hún að dúsa alla þessa 49 daga sem voru dæmdir upphaflega. Þarna sérðu druslan þín, stundum er bara betra að halda kjafti og vera ekki alltaf með þetta helvítis væl þegar þú kemur þér í skít. Það verður samt fróðlegt að sjá hvað gerist næstu daga.. ef hún hættir aftur að éta til að láta hleypa sér út þá skora ég á fangelsismálastofnunina bara að gefa henni mæjones beint í æð. Ég vorkenni henni nákvæmlega ekki rassgat og vill frekar sjá hana í töluvert lengri tíma í steininum, það á ekkert að tríta þetta ríka fólk eitthvað betur því þau eru að brjóta nákvæmlega sömu lögin og hinir.

Og svona til gamans þá er hérna gott spúff úr South Park þeim yndislega þætti.. og að sjálfsögðu fer Paris Hilton með aðalhlutverkið í þessu spúffi.

 

Þetta var dagur sem mig langar ekkert að upplifa aftur á næstunni. Dagurinn einkenndist af spennu, kvíða, stressi og sjokki útaf einu atviki. Málið er að flugmaður sem ég þekki lenti í leiðindar atviki rétt fyrir hádegið í dag. Þurfti að naðulenda vél sem hann var að fljúga á einhverjum gras bletti eftir tæplega þriggja og hálfs tíma flug. Enginn slasaðist og vélin kom alveg heil úr lendingunni sem gekk mjög vel eftir að mótorinn hafi misst nánast allt afl. Þetta var síðan blásið upp í fréttunum og sagt að flugvél hafi brotlent þarna en auðvitað átti engin brotlending sér stað. Það lítur út fyrir að annaðhvort bensínleki hafi ollið þessu eða stífla frá hægri bensíntanki vélarinnar, því við nánari skoðun eftir lendinguna kom í ljós að vinstri tankurinn var alveg tómur en eitthvað bensín hafi verið eftir í hægri tankinum. Ætla ekkert meira að tjá mig um þetta mál í bili en kem með nánari útskýringar þegar þetta skýrist betur....

Það gerðist ekkert að viti þessa helgina. Ég og Þráinn kíktum á MaiTai á föstudaginn og það var bara eins og venjulega. Barry vinur okkar sem núna er kominn til Norður Carolinu varð til þess að ég þurfti að aflýsa 2 flugum og samtals hefur þessu flugi verið frestað þrisvar. ég átti fyrst að fljúga á Fimmtudags kvöld en þegar ég mætti þá voru 2 vélar bilaðar, 2 í loftinu og ég átti að fá eina að þeim 2 sem voru eftir, en önnur þeirra datt á skoðun og hin var með eitthvað bilaðan startara og önnur vacum pumpan biluð þannig það var ekki heldur hægt að fljúga henni. Síðan á föstudaginn var aflýst útaf veðri og Laugardaginn var alveg hægt að fljúga en þegar ég átti að fara í loftið hrundi skýjahæðin niður þannig við gátum ekki farið í þá hæð sem við þurfum til að gera það sem við áttum að gera í þessu flugi. Núna er ég bara að bíða rólegur fram á þriðjudag til að reyna þetta flug einu sinni enn. Kennarinn er nebblega í annari vinnu á sunnudögum og síðan er hann í fríi á mánudögum.

Sólin er aftur farin að skína hérna og eftir þessa rigningu um helgina er rakinn virkilega farinn að kicka inn, maður svitnar bara við að labba út á bílastæði. Ströndin er klárlega málið á morgun, sól 30 stiga hiti á morgun og ekkert annað hægt að gera  

Það eru ótrúlegir hlutir að gerast hérna í veðrinu. Þessi litla lægð sem myndaðist við strendur Cubu í gær er búin að vaxa svo mikið og búin að breyta um karakter og orðin af Tropical Stormi. Þetta er reyndar gott mál þar sem það er bústi við því að þessi stormur muni missa kraftinn áður en hann nær landi um kl 10 á laugardags morgun eða kl 14:00 á íslenskum tíma. Þetta er s.s. fyrsti Atlantshafs stormurinn á þessu tímabili sem fær nafn og er hann heldur betur í fyrri kantinum því yfirleitt er það ekki að gerast fyrr en í krngum 10 júlí. og síðan næsti stormur um mánuði seinna eða 8 ágúst. Það sem er gott við að þetta verður náði að breytast í Tropical storm er að núna fáum við helling af langþráðri rigningu til að slökkva alla þessa sinu bruna og það fylgir þessu ekkert ofsaverður eins og þrumuveður sem getur virkað eins og góð eldspýta fyrir sinubrunana, nema það er verið að vara við hugsanlegum Tornados svona í morgunsárið en ekkert nálægt hérna. Stormurinn mun ná landi rétt fyrir norðan Tampa og halda áfram norð-norð austur og fara rétt norður fyrir daytona og þegar hann nær okkur á vindhraðinn að vera kominn niður í um 40 mílur. Hámarks vindur í þessum stormi var ekki nema um 50 mílur þannig þetta er bara eins og íslensk lægð nema bara með mikið meiri rigningu og hlýjindum. Veðurspáin fyrir laugardaginn er bara pínu rok og hellings rigning eða 100% líkur á rigningu og svo háa tölu hef ég ekki séð áður í veðurspám hérna.. 80% er sú hæsta fram að þessu og núna er útilokað að þetta met verði bætt síðan heldur þessi stormur áfram upp eftir austurströndinni og mun fljótlega aftur breytast í Lægð og halda þaðan alla leið upp til Boston. Veðurspáin fyrir næstu vikuna eftir laugardaginn er einfaldlega SÓL, 31-32 STIGA HITI OG HÆGVIÐRI OG UM 10-20% LÍKUR Á RIGNINGU, og það á aðeins við um seinnipart dags eins og gerist nánast daglega hérna yfir sumarmánuðina... Núna er síðan bara málið að bíða spenntur eftir næsta stormi og sjá hvort fleirri met verða slegin..

Þá er loksins komið að hurricane tímabilinu. Það byrjar á morgun en nú þegar eru komnir tveir stormar sem er búið að gefa nöfn. Þessir stormar eru staðsettir rétt vestur af mexico þannig þeir munu ekki hafa nein áhrif hérna á Florida. Það er búið að spá að það koma 16 stormar í viðbót sem fá nöfn, 12 af þeim ná að verða hurricanes og 5 af þeim Major Hurricanes eða 3-5 stigs stormar sem hafa vindhraða frá 111 mílur á klst og uppúr, 5 stiginu er náð þegar vindhraði er kominn upp í 155 mílur á klst eða 249km/h eða 69.1m/s. Allar líkur benda á það að við munum fá a.m.k 1 fellibyl hérna á Florida, þar sem það er spáð að það sé um 20% líkur á að 5 fellibylir nái landi við Florida og ef maður leggur þetta saman þá eru 100% líkur á að fá 1 kvikindi. Þegar veðurspárnar eru farnar að spá því að fellibilur muni hafa mikil áhrif eða fara yfir daytona þá eru flugkennarar og atvinnuflugmenn hérna í skólanum beðnir um að taka flugvélaflotann og fljúga þeim bara einhvert þar sem fellibylurinn mun ekki ná þeim. Þetta er bara gert til að koma í veg fyrir að flugvélaflotinn skemmist og að sjálfsögðu fáum við þetta frítt og allur kostnaður við þessar ferðir er greiddur af skólanum.. Þetta er örugglega mjög skemmtilegt að fara í svona.. fá nokkra daga frí einhverstaðar þar sem maður hefur ekki komið áður á kostnað skólans og ef ég þekki kappann rétt þá verður örugglega ekki eytt mörgum tímum edrú þessa daga.. Og síðan þeir sem verða eftir hér á Daytona halda síðan svona Hurricane party þar sem það er ekki hægt að gera neitt betra en að vera fullur og skemmta sér í svona veðri.

Þetta fellibilja tímatil stimplar sig heldur betur inn hérna. Það eru búnir að vera rosalegir þurkar hénra og frekar hvasst síðustu 2 vikurnar oná það. Þannig það eru búnir að vera stöðugir sinueldar hérna í allt vor og bara alls engin rigning þannig að þúsundir hektarar hafa brunnið og nokkur hús skemmst útaf þessu. En núna er loksins komin lægð rétt á milli Cubu og Cancun Mexico sem er með svakalega úrkomu og er þetta kerfi að stefna til okkar með langþráða rigningu. Þetta kerfi er enþá bara svona "venjulegt" kerfi og það fer alveg eftir því hvaða fréttastofu maður horfir á hvort þeir segja að þetta muni þróast út í Tropical lægð eða haldast venjuleg. Munurinn á venjulegri lægð og Tropical lægt er að venjulega lægðin er líklegri til að búa til hættulegra veður s.s. stór þrumuveður og eldingar á meðan Tropical lægðin er nánast alveg laus við það en skilar töluvert meiri rigningu án þess að vera með nein læti.  Hérna er síðan smá tónlistar video sem var gert af einhverjum spössum um Hurricane Andrew sem fór yfir Miami fyrir nokkrum árum.

 Næturflug hjá mér í kvöld og vonandi eitthvað meira á föstudag og laugardag og síðan er planið á sunnudaginn að kíkja út á bát með nokkrum úr skólanum að veiða og drekka bjór.

Núna hefur maður heldur betur efni á að vera soldið cocky.. Var í öðru Senecu fluginu í dag og eftir flugið hoppaði kennarinn alveg af gleði. Hann sagði orðrétt "you were fantastic last time, but much better today". Flugið í dag var bara fínt.. tókum smá manuveringar eins og krappar beygjur, hægflug og ofris. Kennarinn var bara sáttur eftir allar fyrstu tilraunir þannig við eyddum ekki meiri tíma í það og fórum bara í lendingar á Flagler. Það gekk líka mjög vel þannig í seinna flugtakinu þaðan tók ég stuttbrautar flugtak og það fannst mér áhugavert. Núna þegar maður er kominn með svona öfluga vél, við keyrum vélina alveg út í endann á brautinni, stöndum síðan á bremsunum og keyrum mótorana upp í um 65% afl, tékkum á mælum ör snöggt og síðan um leið og við sleppum bremsunum er gefið fullt afl þannig véli æðir af stað... ekki svipuð tilfinning og að sitja í Fokkernum. Og talandi um það þá fynnst mér þessi vél ekki ósvipaður "karakter" og Fokkerinn. Ríkur soldið harkalega af stað, stekkur hálfpartinn af brautinni þegar togað er í stýrin, auðvitað pínu vinstrisækin, síðan er aðflugið mjög svipað líka, það þarf að fljúga það með nefið aðeins niður og loftskrúfurnar á háum snúningi, síðan er aflið tekið rólega af þegar við erum rétt að ná endanum á brautinni og síðan er togað nefið upp þegar vélin er komin oní "ground effect" eða mjög nálægt brautinni og nefinu bara haldið uppi þangað til að vélin snertir eða nákvæmlega eins og á Fokkernum góða.. Loka lendingin tókst best þar sem vindurinn á daytona var aðeins betri en á Flagler, Mjög mjúk lending og á meðan við vorum í loka aðflugi kallaði vél sig inn á eftir okkur með einhver vandræði í lendingar búnaðinum eða hjólunum og flaug síðan yfir brautina á eftir okkur, ég gat samt ekki betur séð en að öll dekkin væru niðri og í eðlilegri stöðu, slökkviliðið var samt komið út á braut þegar við lentum útaf vélinni fyrir aftan okkur en ég veit ekki hvernig þetta endaði, ég held að þeir hafi ætlað að fljúga eitthvað áfram til að létta vélina til öryggis því þeir voru með mikið eldsneyti um borð.

Í gær tókum við ground tíma og vorum að fara yfir kerfin í vélinni og skilgreiningar á hinu og þessu. Það eru töluvert fleirri factorar sem þarf að hafa í huga þegar maður er kominn með 2 hreyfla vél. Síðan fyrir flugið í dag tókum við annan ground tíma og við náðum að klára það efni á mjög stuttum tíma þannig ég er þegar byrjaður að undirskjóta viðmiðunar tíma. Eftir 3 ground tíma er ég búinn að græða klukkutíma, s.s. búinn að vera 3 tíma í staðin fyrir 4. Og sömuleiðis með flugið, búinn að undirskjóta það líka um 1.1 tíma eða hef bara þurft að fljúga 2.9 tíma í staðin fyrir 4 og er þar af leiðandi búinn að spara mér um 300 dollara á 2 flugum. Kennarinn segir líka að ég eigi eftir að fara mjög hratt og auðveldlega í gegnum þetta þar sem það er ekkert að vefjast fyrir mér og ég höndla vélina bara mjög vel. Næsta flug er á föstudaginn og það er næturflug, kennarinn bað mig vinsamlegast um að koma með vasaljós því það væru öll ljós inní vélinni nánast biluð

Þráinn var eitthvað að væla yfir því hvað væri ömurlegt að fljúga hérna, hann var ekki alveg sáttur með hvað er mikið af sinueldum hérna í nágreninu sem skemmir allt skyggni þannig hann komst ekki neitt. Skil hann samt alveg ágætlega með þetta því hann er að safna tímum hérna og reynir að fljúga um 10 tíma á dag og ég mundi aldrei nenna að fljúga 10 tíma á einum degi hérna í þessu svæði því það er nákvæmlega ekkert að sjá, hellings traffík og pirraðir flugumferðastjórar..

 

Útaf einhverjum ástæðum sem ég fékk ekki að vita var mér úthlutað nýjum kennara í staðin fyrir Djuri, helvítis vonbrygði því Djuri er hrikalega skemmtilegur gaur. Baradaran heitir nýji kennarin og hann er einnig prófdómari. Hann er bara fínn og alveg ágætt að fljúga með honum. Fyrsta Senecu flugið var í morgun og gekk það svona glimrandi vel. Þetta var bara frekar stutt kynningarflug þar sem ég hef ekki flogið svona vél áður og auðvitað er þetta 2 hreyfla vél. Rosalegur munur að vera kominn á svona vél, allt að gerast mikið hraðar og meira að gera. Hérna er smá samanburður á milli Piper Seneca og Cessna Skyhawk

Hlutur:             Seneca: Skyhawk:

Hámarksþyngd  4200lbs 2550lbs

Mótor               2x200 HP 180 HP

Klifurgeta          1400fpm 750fpm

Farflugshraði     160KTS 105KTS

Besti klifurhraði  105mph 74KTS

Flugtakshraði    85mph 55KTS

Aðflugshraði      105mph 65KTS

Svona er þetta.. alveg frábært að vera kominn á svona kraftmikla vél, 400 hestöfl. Maður finnur mikið meira fyrir hröðuninni í flugtaksbruninu og síðan eru allir hraðar mikið hærri. Svona til að bera saman þá hefur Senecan mjög svipaðan aðflugshraða og Fokker 50 sem Flugfélag Íslands notar.. Flugið sjálft var bara mjög gott, fínt veður og ég var ekki í neinum vandræðum að höndla vélina. Við tókum 2 lendingar á Flagler áður en við fórum aftur til Daytona og þegar við erum að keyra vélina inn á stæði þá sagði kennarinn að ég hafi heillað hann með minni færni og hæfileikum. Hann hafi aldrei séð mann höndla þessa vél svona vel í fyrsta fluginu.

Þessi vél er ekki hönnuð sem kennslu eða þjálfunarvél heldur sem Charter eða svona leiguflugs vél og er þar af leiðandi erfið fyrir menn með litla reynslu. Ég lít á þetta sem jákvæðan hlut því sagan segir að ef menn höndla þessa vél þá geta menn flogið öllum 2 hreyfla vélum því þessi er í erfiðari kantinum. 

Jæja. nóg komið af grobbi í bili, næsta flug er áætlað á þriðjudaginn þar sem það er enn ein langa fríhelgin hérna í USA, Memorial day er á mánudaginn og allir á flakki um helgina. Held að málið sé bara að kíkja til Orlando eða eitthvað um helgina 

 

Þá er enn einu seasoninu af American Idol lokið og í þetta skiptið var það Jordin sem náði að heilla kanann uppúr skónum. Keppnin var æsi spennandi og show-ið hrikalega flott.

Mér fannst þessi lokaþáttur snúast mest um alla aðra heldur en þessa 2 keppendur sem eftir voru og hellingur af tónlistar atriðum voru flutt að hinum ýmsu flytjendum. Meðal flytjanda voru Idolin Kelly Clarkson, Ruben, Carrie Underwood, Taylor Hicks ásamt þeim sem komust lengst í keppninni í ár, einnig tóku gamlir refir lagið eins og bette midler og einhverjir sem ég hef ekki hugmynd um hvað heita... Mér fannst Kelly Clarkson samt standa uppúr þar sem hún var með skemmtilegasta lagið og síðan er hún líka endalaust góð á sviðinu.

Ég fylgdist ekkert sérstakelga mikið með þessu seasoni enda fannst mér ekki neinir keppendur standa uppúr eins og undanfarin ár og útaf ótrúlegum fjölda af heitapotts ferðum sem eru yfirleitt farnar á þeim tíma sem American Idol er í sjónvarpinu.

Til hamingju Jordin með sigurinn og þið sem eruð að drepast úr spenningi yfir þessu heima á klakanum, vinsamlegast sendið kvartanir og drullu fyrir að skella úrslitunum hingað til Everts og linkurinn á hans síðu er hér vinstra megin á síðunni...

 Ég ætla einnig að lýsa yfir vonbrygðum mínum með leik Liverpool í meistaradeildinni. Að tapa 2-1 fyrir AC Milan er engin skömm, en að tapa fyrir þeim með svona leik er bara hrikalegt. Þetta var bara leiðindar leikur frá upphafi til enda, allt of mikill varnarbolti hjá báðum liðum og það vita það allir að Milan menn eru bara of hættulegir í skyndisóknunum sínum. Þegar Milan menn komust yfir var ég farinn að sjá fyrir mér seinni hálfleik eins og fyrir 2 árum en neiiii.. það var ekki að gerast. Ingólfur, Eyþór, Habba, Rúnni ofl.. ykkar lið skeit bara virkilega uppá bak, ekkert illa meint frá mér, ég gaf ykkur allan þann stuðning sem ég gat, sat s.s. á brókinni með bjór fyrir framan sjónvarpið að horfa á leikinn..

Það var drullu fjör um helgina. Félagarnir í Wired voru að spila á MaiTai og stóðu þeir sig með einstakri príði eins og alltaf. Ég hef verið að tala soldið um þetta band enda eru þeir með bestu tónlistina af öllum cover böndunum hérna og síðan eru þeir bara endalaust góðir. Ég fór bæði föstudag og laugardag og á laugardeginum var troð fullt á staðnum. Ég held að þetta hafi verið í fyrsta skiptið sem kvenfólk var í áberandi meirihluta, sem er bara besta mál.

Næstu 2-3 mánuðir munu líta nokkurnvegin svona út hjá mér. Læra, fljúga, éta, sofa, ræktin, fótbolti. Málið er að ég er að byrja á verklega fjölhreyfla og atvinnunáminu og ætla mér að vera búinn með það í lok júlí. síðan er ég að byrja aftur í ræktinni á fullu og mæti til einkaþjálfarans 3svar í viku, og síðan er fótbolti hjá okkur í skólanum allavega einu sinni í viku.

Ég er líka búinn að fá nýjan kennara og það er enginn annar en Djuri sjálfur. Hann er besti vinur Karenar sem var að kennar mér og hann er hrikalega skemmtilegur vitleysingur.. alltaf með einhver fíbblalæti og gaman.. og eins og hann sagði að það ætti örugglega eftir að vera mjög áhugavert fyrir okkur að fljúga saman. Hann þykist geta klárað með mig fjölhreyfla réttindin á 2 vikum og ef það gengur upp þá er það ekkert nema tær snilld.

Hér er síðan mynd af vél eins og ég er að fara að fljúga.. Piper Seneca eða PA-34

Og svona til gamans ætla ég að sýna ykkur video frá Embry Riddle sem er flug háskólinn rétt hinumegin á vellinum á Daytona og þarna sést klárlega hvað menn eru að taka náminu alvarlega

Kíkti á fyrsta hafnarboltaleikinn minn á fimmtudaginn. Þetta var leikur í b-deildinni eða eitthvað.. allavega þá var þetta heimaliðið Daytona Cubs sem er eigilega varalið Chicago Cubs, og þeir voru að spila á móti einhverjum plebbum. Þetta var bara ótrúlega skemmtilegt, ekki það að ég hafi gaman af leiknum sjálfum heldur er bara svo mikið fjör í fólkinu sem mætir til að horfa á. Þarna var fólk á öllum aldri, alveg frá pínu litlum börnum með mömmu og pabba upp í afa og ömmu og allt þar á milli. Mikið af pörum og vinum sem mæta á svona leiki. Það var alltaf eitthvað að gerast á milli ramma í leiknum. Lukkudýrið að skemmta krökkunum og hinar ýmsu keppnir fyrir litlu krílin. Fólk fór að dansa fugladansinn og bara gera sig af fíbblum og allir virtust bara hafa gaman að því. Þetta er klárlega eitthvað sem ég ætla að gera að föstum lið. Á fimmtudögum eða Thirsty Thursday er boðið uppá risabjór á 3 dollara, ásamt því að það er hægt að kaupa allskonar skyndibita eins og pulsur, hamborgara, kjúkling og pizzur. Ég rakst alveg á fólk sem ég þekki og þetta er bara klárlega svona amerískur siður að kíkja á svona leiki.

 

Y.M.C.A

Add to My Profile | More VideosAnnars er lítið að frétta.. allt reyndar á kafi í skíta reyk eftir sinueldana sem eru búnir að brenna örugglega helminginn af florida í vor. Síðan var ég og Karen kennari að ganga frá pappírunum svo ég geti haldið áfram að fljúga þannig ég býst við að komast í loftið í næstu viku.

 

Síðan er nóg að gerast um helgina og ég kem með frekara update á því seinna.

Ég vaknaði upp við góðan draum. Inga Rúna var að hringja og vekja mig til að draga mig út í hádegismat.. Djöfull er gott að bestu vinir mans þekkja mann svona vel. Hún er með þetta allt á hreinu, veit alveg nákvæmlega hvað ég hugsa um þegar ég sef fram að hádegi, og það er matur. Við kíktum á stælinn í skipholtinu og pöntuðum einn feitann og spjölluðum um nýlega liðna atburði. Eftir matinn hafði ég rétt um hálftíma til að pakka niður í tösku áður en þráinn kom og sótti mig.

 

Það var nú meira ruglið í flugstöðinni í gær. Ég og Þráinn vorum auðvitað á leiðinni til Orlando og erum að rölta út í nýju byggingu þegar gjörsamlega allt rafmagn fór af flugstöðinni. Við fengum okkur bara sæti í rólegheitunum með ís kaldan Thule. Eftir u.þ.b. 30 mín af rafmagnsleysinu kom það aftur á og allar brunabjöllur fóru í gang og þar sem var verið að hleypa fólki inn í ameríkuvélarnar tók fólk uppá það ráð að hlaupa út um neyðarútganga og út á flughlaðið og sat þar bara.. En eins og vanalega sátu allir íslendingarnir inni og héldu áfram að sötra sinn bjór eða hvað sem þeir voru að gera.. enda var síðan enginn eldur heldur var þetta bara eitthvað rugl í rafmagninu... Þetta olli 20 mín seinkun á fluginu okkar en samt lentum við langt á undan áætlun því flugið var ekki nema tæpir 7 tímar í staðin fyrir venjulegu 8 tímana. Flugstjórinn var enginn annar en Einar Dagbjartsson grindvíkingur. Þegar við gengum um borð í vélina voru nokkrir kassar af íslensku flöskuvatni upp við vélina og fékk fólk að fá sér með í vélina eins og það vildi og við innganginn var boðið uppá sjálfsafgreiðslu á dagblöðunum. Eitthvað held ég að þetta hafi með það að gera að IcelandAir eru búnir að fækka úr 5 niður í 4 flugfreyjur í ameríku flugunum og þá gera þær þetta svona í staðin til að minnka við sig vinnuna í loftinu. Einar stóð sig bara helvíti vel í fluginu en það sem vakti áhuga hjá mér var lendingin í Sanford en þá var ekki notað "reverse" á hreyflunum til að bremsa vélina heldur notaði hann bara hjólabremsurnar og lét vélina rúlla alla leið út í enda á brautinni.. Ég get ekki ýmindað mér ástæðu fyrir þessu en maður veit aldrei hvað honum Einari dettur í hug Evert sótti okkur síðan á völlinn og eftir komuna til Daytona var að sjálfsögðu skellt sér á langþráðan subway.

Í dag er ég bara að vinna í pappírsmálum og ganga frá öllu svo ég geti byrjað að fljúga 2 hreyfla vélunum. Og síðan þarf ég líka að sækja nýja skírteinið mitt með blindflugs árituninni og ég fæ líka svona ekta amerískt diploma tær snilld.. Og til að halda uppá þetta allt saman (íslandsferðin klárlega ekki nógu löng til að halda uppá þetta) ætla ég að skella mér á Tiki Barinn okkar seinna í dag og fara á "Heimsins Besta" í kvöldmat.

Ætla einnig að minna á skoðanakönnunina sem er hérna hægra megin á síðunni.. allir að taka þátt..

Hríseyjarævtintýrið tókst bara hrikalega vel. Flugið gott í góðu veðri. Habban sótti mig á völlinn og bauð uppá bílferð í bónus og þaðan út í hríseyjarferju. 15 mín sigling var síðan loka spretturinn í ferðalaginu til eyjunnar. Stórt kvöld auðvitað útaf eurovision og auðvitað kosningunum, Við hlustuðum á flest lögin og síðan var restin af stigagjöfinni látin rúlla á MUTE við undurfagran undirleik þerra félaga Slash og Axl Rose úr Guns ´N Roses. Ég hitti nýtt og ekki svo nýtt en áhugavert fólk þarna og sátum við á drykkju þangað til ákveðið var að skella sér á pöbbann í meiri drykkju og síðan enduðum við í enþá meiri drykkju heima hjá stelpunum aftur. Nóttin er ung og var ég að sofna svona um kl 7 og um hálftíma seinna var ég vakinn af ungri stúlku að leita af mömmu sinni og innan við hálftíma eftir það voru þær orðnar tvær trítil óðar stúlkur sem fylltu rúmið mitt af dóti með viðeigandi hoppum og látum. Þannig gekk þetta fram að hádegi og náði ég ekki að sofna neitt og ákvað því að fara í sturtu allur út ataður í barnaslefi. Dagurinn fór bara í bið og að reyna halla augunum þegar tækifæri gafst og á endanum skelltu ég, habba og maggi okkur til Akureyrar og tróðum okkur út af mat á Greifanum. Síðan var tekinn smá rúntur á kantinn og síðan þurfti ég að skella mér í flug til Reykjavíkur aftur. Þannig núna sit ég hér og blogga eftir um 33 tíma vöku/drykkju/þynnku..Virkilega gaman að sjá höbbu aftur eftir nokkra mánaða bið og nú tekur bara við meiri nokkra mánaða bið.

Núna er ég búinn að venjast þessum löngu flugum hérna á milli keflavíkur og Orlando og tóku því þessi flug til Akureyrar bara enga stund.. Fannst ég varla vera kominn í loftið þegar við lentum. Og svona uppá gamanið bíður eftir mér u.þ.b. 8 tíma flug seinni partinn á morgun til Orlando og er enginn annar en Þráinn Arnar með í för en hann er einmitt á leiðinni til Daytona til að ná sér í einhverja flugtíma.

Og eins og vanalega ætla ég að skella inn videoi af flugferðinni til AEY og það koma fleirri viedo inn á myspace-ið mitt og auðvitað linkur á myndir úr ferðinni hér á síðunni..

 

Landing At Akureyri

Add to My Profile | More Videos